Sognefjord Sjakklubb

Sognefjord Sjakklubb er ein sosial og uhøgtideleg klubb for alle aldrar og ambisjonar. Hjå oss kan du spele sjakk, lære av andre, bli med på turneringar og gjerne ta ein god prat over ein kopp kaffi.

Klubben vart stifta 19. august 2026 og har base i Sogndal og Luster. Me samlar sjakkinteresserte frå heile regionen – anten du er ny i sjakk eller har spelt i mange år.

Første barneturnering i Sognefjord Sjakklubb gjennomført!

Seks unge spelarar i alderen 5 til 11 år deltok i den første barneturneringa i regi Sognefjord Sjakklubb, 27. oktober 2026. Dette var ei tematurnering, der alle partia starta med italiensk, roleg opning (e4...e5, Sf3...Sf6, Lc4...Lc5). Det vart spelt fire rundar med tidskontroll 8+0. Til premie fekk alle deltakarane ei drikkeflaske og ein buff sponsa av Sognekraft og Sognenett. Tusen takk for flotte premiar! Når vi først er inne på sponsorar, vil vi også rette ei stor takk til Rockethouse Sogndal, for utlån av lokale til klubbkveldane våre. Her storkosar vi oss kvar tysdag, frå klokka 17.30-19.30.

Det blir ei ny turnering for barn i desember, så om fleire vil vere med neste gong er de hjarteleg velkomne som medlemmer av klubben vår. Gå til fana "Medlemskap" for informasjon om kontingentsatsar og innmelding.

Flott innsats av Lev og Vihaan!

11. oktober 2026

Lev og Vihaan representerte Sognefjord Sjakklubb på strålande vis under Barnas Grand Prix i samband med KM! Vihaan sikra seg ein flott 2. plass i klassen Yngre begynner, medan Lev tok 2. plass blant miniputtane og 5. plass totalt i ein samanslått klasse med eldre spelarar. Nok ein gong viser dei at dei er flotte ambassadørar for klubben vår! Vi gratulerer begge med strålande innsats! 😊

Geilo Sjakkfestival III

18.-20. september 2026

Seks medlemer frå klubben deltok på Geilo Sjakkfestival, med heile tre førsteplassar i bagasjen! To av dei yngste spelarane våre gjekk til topps i klassene sine, medan ein vaksen spelar òg sikra seg førsteplassen i si turnering. Totalt blei det spelt sju turneringar i løpet av helga, og for fleire av medlemmene kan dette òg bli starten på ein første FIDE-rating. Ei skikkeleg triveleg sjakkhelg, med mykje god sjakk og eit hyggeleg miljø som sørgde for eit flott arrangement!

Les historia i Sogn Avis (krev abonnement)

Simultan-sjakk

11. september 2026

I samband med premieren på En nasjon i sjakk inviterte Sognefjord Sjakklubb til sjakkveld på Sogndal Kulturhus. Det blei ein hyggeleg kveld med sjakkprat og simultansjakk, der Espen Thorstensen møtte seks spelarar frå klubben – og vann alle partia. Med musikk frå konserten i Blaoboksen i bakgrunnen blei det ei ekstra fin ramme rundt sjakkaktivitetane før kinopremieren.